السلام عليكم
معايا موضوع دمه خفيف اوي
والغريبه ان لسان حال بعض الناس فعلا الايام دي " في الجد والهزار "
المهم .. اسيبكو مع الموضوع
واشفكو بعده ... ان شاء الله
اللهم أنقذنا من نفسنه الزملاء...........وغباء الأصدقاء
ومفاجأه الأعداء
اللهم أرحمنا من أستبياع الجيل الجديد.............وحرائق السكه الحديد
وأستقصاد كل مدير......ونداله القرايب الصغير منهم والكبير
اللهم أغثنا من كل عميل.......ومن فواتير فودافون وموبينيل
اللهم أرحمنا من تشريفه عربيات المسئولين
وزحمه الشوارع فى كل حين
وسحب الرخص فى كل كمين.....من الغلبان مش م المتين
اللهم أهدى لنا سواقين الميكروباص
ومدير الشركه البصباص
اللهم أرحمنا من الشئون القانونيه وشئون العاملين
واللى بيقفوا ف وسط الشارع فجأه وبدون أشاره يمين
اللهم قنا شر الكليبات........
وشر شلل البنات....ولؤم الستات وغباوه الحموات
والمينيمم تشارج كافيهات........... ....
وهيافه الصحف والمجلات
وقطع الحراره فجأه عن التليفونات وقت الزنقات
والمدارس اللى بتطلب تبرعات بالألافات
ووقوع السيرفر وقفله السايتات
اللهم أرفع مستوى الفريق القومى....... ....
لمستوى أبنى والحدود....أو حتى مستوى أسمنت أسيوط
أو أرسل يارب عليه صاعقه....بدل ما يخلونا نموت
اللهم سدد أقساطنا....وضلل عنا مآمير الضرايب
اللهم أرزق جيل الوسط عقود عمل فى ليبيا وقطر
اللهم أفتح لجيلنا القديم الطريق الفسيح
حتى ننظف انتخابات البلد من لعبه المراجيح
اللهم أرحمنا من الأكتئاب مرض العصر والشباب
وأحمى يارب سماء مصر من سحابه الهباب
وأكفنا شر صاحب الدقن الكداب
وصاحب التصريحات النصاب
اللهم أرزق كل بنت بعريس هديه. .....
وكل شاب بوظيفه وشقه وعربيه
اللهم أحرق ال0900
وأضرب الحراميه بالحراميه
ونجح أى طالب فى أى كليه
حتى ولو كان فى التربيه الموسيقيه
آآآميين يارب
الجمعة نوفمبر 02, 2007 8:56 pm
